حلم الثواااني

شدني وجهك لـ وجهك .. وغصب عني ألتفت
و بـ عيونك .. شفت نفسي جآلس أتكلم معك !
.
كنت أسولف لك كلآم ٍ وآضح المعنى .. بـ صمت
سآرح بـ نظرآت عينك .. و بـ نظر عيني أتبعك
.
فيك عطف ٍ لنت له بـ الغصب .. مدري كيف لنت ؟!
ذآبت همومي .. وذبلت يوم لآمست أصبعك
.
الدفى .. لآشك يسكن بـ الفؤآد اللي سكنت
مآ أظن البرد يقوى " حرقة الآشوآق " لك
.
مآ أخاف .. ولو يدق الخوف نبضآتي .. أمنت
دآم مآبه شخص يقدر من جذوري يقلعك !
.
رآسخ ٍ بـ الحلم " وجهك " كل مآ أغفى حلمت
فيك .. و تحيي أمنيآت بـ طرف عين مدلعك
.
كنت تهمس في كلآمك .. وأنآ مدري كيف نمت !
وأنت سآهر فيني تسولف .. وانآ بس أسمعك
.
مآدريت أشلون فزّت لك سطوري .. يوم قلت
أني أشد أنتبآهك في حضوري .. وأعجبك ؟!
.
صآرت حروف القصآيد مثل كرسي العرش .. وأنت
اللي تحكمهآ بـ كيفك .. جآلس بـ كرسي الملك !
.
أنت حي بـ كل لحظة في عيوني .. وأن حلمت
يكفي لو بعض الثوآني بـ حلمك .. أقضيهآ معك